請支持領養🐱🖤領養，不棄養！
皮蛋就係呢到領養架喇🤣🤣

話說果陣寵物...

請支持領養🐱🖤領養，不棄養！
皮蛋就係呢到領養架喇🤣🤣

話說果陣寵物屋搬舖，搬左去大路邊！位置好左，想落左閘，都有呢個msg 比人睇到～有日去買麻高蛋啲貓糧，傾起呢樣野，我當然要幫手！！於是就有今次義畫嘅出現～

Ling 姐好驚麻煩到我，本身淨係想寫「請支持領養」就完。唔得囉😂於是我就畫左呢幅可愛風嘅作品，唔洗好多時間，但又靚過得啲字！好快咁完成左🖤

平時畫咁多寫實風，畫可愛風我都好鐘意架🤣🤣仲要皮蛋又係到領養，我又搬離左荃灣，可以係到留低一幅作品，仲要係有意義嘅，超開心！！

想領養貓貓歡迎過去睇，同埋Ling 姐係自己出錢出力，不眠不休咁湊大啲貓仔。成日去到十隻貓b 等住佢地餵奶餵藥，癲架！！

請多多支持佢地！！
路過就入去瘋狂消費啦
如果你無養貓狗唔緊要
買黎送比有養貓狗嘅親朋戚友🤣

最後送上百厭精皮蛋寫真N張🐱

📍寵物屋專門店Pet & House Pet Shop
荃灣沙咀道125號好運唐樓地下

---